ᐃᖅᑲᖅᑐᖅᑕᐅᒃᑲᐃᓂᖅ ᓇᓗᓇᐃᖅᑕᐅᓯᒪᒻᒪᑦ ᑲᑐᔾᔨᓪᓗᑎᒃ ᐊᐅᓚᔾᔭᒋᐊᕈᑎᓄᑦ ᐃᖅᑲᖅᑐᖅᑕᐅᑦᓱᑎᒃ ᐊᕕᑦᑐᖅᓯᒪᔫᒃ. ᓇᓗᓇᐃᖅᓯᔾᔪᑏᑦ ᐅᖃᖅᓯᒪᒻᒪᑕ ᐊᕕᑦᑐᖅᓯᒪᔫᒃ ᑎᒍᒥᐊᕆᐊᖏᒃ ᓄᓕᐊᕐᓂᒃᑯᑦ ᐱᓂᕐᓗᑦᑕᐅᓯᒪᔪᓂᒃ ᓄᑕᖅᑲᓂᒃ ᐅᕕᒃᑲᕐᓂᓪᓗ ᐃᓕᓐᓂᐊᖅᑎᖁᑎᒥᓂᖏᓐᓂᒃ ᒧᐊᕆᔅ ᑯᓘᓕᐅᑉ. ᓄᓕᐊᕐᓂᒃᑯᑦ ᐱᓂᕐᓗᑦᑕᐅᓃᑦ ᐱᖃᓯᐅᔾᔨᑐᐃᓐᓇᕆᐊᓖᑦ ᓄᓕᐊᕐᓂᒃᑯᑦ ᐱᓂᕐᓗᑦᑕᐅᓂᕐᒥᒃ ᑯᓘᓕᒧᑦ, ᐃᓕᓐᓂᐊᖅᑎᐅᖃᑎᒥᓂᒃ ᓄᓕᐊᖅᑎᑲᐅᑦᓱᑎᒃ, ᐊᖏᖅᓯᒪᑎᓐᓇᖏᓪᓗ ᐊᓐᓄᕋᐃᖔᖅᓱᑎᒃ ᐊᔾᔨᓕᐅᖅᑕᐅᕙᑦᓱᑎᒃ.
ᑭᒡᒐᖅᑐᐃᔪᑦ ᐸᓯᑦᓯᔨᓂᒃ RPC1 ᐊᒻᒪᓗ RPC2 ᐃᓕᓐᓂᐊᖅᑎᑕᐅᖃᑦᑕᖅᓯᒪᔪᑦ ᑯᓘᓕᒧᑦ ᓄᓇᕗᑦᒥ.
ᖃᓄᖅᑑᕆᐊᖃᖅᑐᑎᑦ ᐃᓚᒋᔭᐅᓂᐊᕐᒪᖔᖅᐱᑦ ᑲᑐᔾᔨᔪᔪᓄᑦ ᐃᓚᒋᔭᐅᒍᒪᙱᒃᑯᕕᓪᓘᓐᓃᑦ, ᑕᒪᓐᓇᓗ ᐋᖅᑭᒋᐊᖃᖅᓱᓂ ᐅᕙᓂ November 2, 2020. ᑲᒪᒋᔭᕆᐊᓕᑎᑦ ᑐᙵᕕᖃᖅᑐᑦ ᒫᓐᓇ ᓄᓇᖃᕈᕕᑦ ᓄᓇᖃᙱᒃᑲᓗᐊᕈᕕᓪᓗ ᓄᓇᕗᑦᒥ.
ᓱᒻᒪᑦ ᖃᐅᔨᒃᑲᐃᓂᖅᑕᖃᖅᑲ? ᑖᓐᓇ ᐃᖅᑲᖅᑐᐃᓂᖅ “ᓇᓗᓇᐃᖅᑕᐅᓯᒪᔪᖅ” ᑲᑐᔾᔨᓪᓗᑎᒃ ᐊᐅᓚᔾᔭᒋᐊᕐᓂᐅᒋᐊᖓ ᑲᔪᓯᑐᐃᓐᓇᕆᐊᖃᖅᓱᓂᓗ ᐃᖅᑲᖅᑐᖅᑕᐅᓂᕐᒧᑦ. ᐃᓚᒋᔭᐅᒍᕕᑦ ᐃᓕᓐᓂᐊᖅᑎᓂ, ᒪᓕᒐᖅᑎᒍᑦ ᐱᔪᓐᓇᐅᑎᖃᑐᐃᓐᓇᕆᐊᖃᖅᑐᑎᑦ ᓇᓖᕌᕋᑦᓴᓂᓪᓗ ᐃᖅᑲᖅᑐᐃᕕᒻᒥ ᐋᖅᑮᖏᓐᓂᖏᓐᓂ ᑖᒃᑯᐊ ᑐᑦᓯᕌᖑᓯᒪᔪᑦ ᑭᒡᒐᖅᑐᖅᑕᐅᑦᓱᑎᒃ ᑕᐃᒫᑦᓯᐊᕐᒪᖔᑕ. ᐅᑯᐊ ᑐᓴᖅᑎᑦᓯᔾᔪᑏᑦ ᓇᓗᓇᐃᔭᐃᔪᑦ ᑖᒃᑯᓇᙵᓕᒫᖅ. ᐃᖅᑲᖅᑐᐃᔨ ᓄᓇᕗᑦ ᐃᖅᑲᖅᑐᐃᕕᖓᓐᓂ ᒫᓐᓇ ᑲᒪᔪᖅ ᑕᒪᑦᓱᒥᖓ. ᑖᓐᓇ ᐃᖅᑲᖅᑐᐃᓂᖅ ᑕᐃᔭᐅᔪᖅ RPC1 ᐊᒻᒪᓗ RPC2 ᐃᖅᑲᖅᑐᖅᑕᐅᑦᓱᑎᒃ ᑲᒥᓯᓇᖓ ᓄᓇᕗᑦ ᐊᒻᒪᓗ ᑲᒥᓯᓇᖓ ᓄᓇᑦᓯᐊᑉ (Court File No. 08-16-722-CVC). ᐃᖅᑲᖅᑐᖅᑕᐅᒃᑲᐃᔪᑦ ᑕᐃᔭᐅᔪᑦ ᐸᓯᑦᓯᔨᓂᒃ. ᐊᕕᑦᑐᖅᓯᒪᔪᑦ ᓄᓇᕗᑦ ᐊᒻᒪᓗ ᓄᓇᑦᓯᐊᖅ ᓴᐳᔾᔨᔩᒃ.
ᒪᓐᓇ ᐃᖅᑲᖅᑐᖅᑕᐅᒃᑲᐃᓂᖅ ᓱᓇᒥᒃ ᐱᔾᔪᑎᓕᒃ? ᑖᓐᓇ ᐃᖅᑲᖅᑐᖅᑕᐅᒃᑲᐃᓂᖅ ᐅᖃᖅᓯᒪᔪᖅ ᐊᕕᑦᑐᖅᓯᒪᓃᒃ ᓴᐳᔾᔨᓂᖏᒻᒪᑕ ᓄᑕᖅᑲᓂᒃ ᐅᕕᒃᑲᕐᓂᓪᓗ ᐃᓕᓐᓂᐊᖅᑐᒥᓂᕐᓂᒃ ᓄᓇᕗᑦᒥ ᓄᓇᑦᓯᐊᕐᒥᓗ ᐃᓕᓐᓂᐊᑎᑦᓯᔨᖃᖅᓱᑎᒃ ᒧᐊᕆᔅ ᑯᓘᓕᒥᒃ ᐄᑉᐳᕉᓪ 1, 1969 − ᔪᓚᐃ 30, 1981. ᐃᖅᑲᖅᑐᐃᕕᒻᒥ ᐋᖅᑮᓯᒪᙱᑦᑐᑦ ᐸᓯᑦᓯᔩᑦ ᐊᕕᑦᑐᖅᓯᒪᓂᐅᔪᓪᓗ ᖃᓄᐃᓕᖓᒻᒪᖔᑕ. ᓴᐳᔾᔨᔨᖏᑦ ᐸᓯᑦᓯᔩᑦ ᓇᓗᓇᐃᖅᓯᒍᓐᓇᕆᐊᖃᕐᓂᐊᖅᑐᑦ ᐅᖃᐅᓯᕆᔭᒥᓐᓂᒃ ᐃᖅᑲᖅᑐᐃᕕᒻᒥ. ᐱᔭᕆᐊᑐᔪᒃᑰᕈᕕᑦ ᑎᑎᕋᕋᓱᐊᕐᓗᒋᑦ ᐃᓚᐅᑎᓐᓂᕐᒨᖓᔪᑦ ᐃᓚᐅᑎᙱᓐᓂᕐᒧᓪᓘᓐᓃᑦ ᑎᑎᕋᕐᕕᑦᓴᐃᑦ, ᐅᖄᓚᒍᓐᓇᖅᑐᑎᑦ [1-866-329-7153] ᐃᑲᔪᖅᑕᐅᒍᒪᓗᑎᑦ.
ᓱᒻᒪᓄᓇ ᑲᑐᔾᔨᓪᓗᑎᒃ ᐊᐅᓚᔾᔭᒋᐊᕐᓂᐅᕙ? ᑲᑐᔾᔨᓪᓗᑎᒃ ᐊᐅᓚᔾᔭᒋᐊᕐᓂᕐᒥ, ᐃᓄᐃᑦ ᑕᐃᔭᐅᔪᑦ “ᑭᒡᒐᖅᑐᐃᔪᑦ ᐸᓯᑦᓯᔩᑦ” (ᐅᕙᓂ ᐃᖅᑲᖅᑐᐃᓂᕐᒥ, RPC1 ᐊᒻᒪᓗ RPC2) ᐃᖅᑲᖅᑐᖅᑕᐅᒃᑲᐃᔪᑦ ᑭᒡᒐᖅᑐᐃᓪᓗᑎᒃ ᐃᓄᓐᓂᒃ ᑕᐃᒫᑦᓴᐃᓐᓇᖅ ᐅᖃᐅᓯᖃᖅᓯᒪᔪᓂᒃ. ᑖᒃᑯᐊᓕᒫᑦ “ᑲᑐᔾᔨᖃᑕᐅᔪᑦ” ᐅᕝᕙᓘᓐᓃᑦ “ᐃᓕᓐᓂᐊᖅᑎᒥᓃᑦ”. ᐃᖅᑲᖅᑐᐃᕕᒃ ᐋᖅᑮᓲᖅ ᐃᓱᒫᓘᑕᐅᔪᓕᒫᓂᒃ ᐃᓕᓐᓂᐊᖃᑎᒌᑦᑐᒥᓂᕐᓄᑦ ᐊᑕᐅᑦᓯᒃᑰᖅᑕᐅᑦᓱᑎᒃ, ᐋᒡᒐᐅᒐᓗᐊᖅ ᓄᓇᕗᑦᒥᐅᑕᐃᑦ ᐊᑎᕐᒥᓂᒃ ᐲᖅᓯᔪᑦ ᓇᒻᒥᓂᖅ ᑲᔾᑐᔨᔪᓂ ᐅᕝᕙᓗ ᓄᓇᓕᓕᐅᙱᑦᑐᑦ ᓂᕆᐊᙱᑦᑐᑦ ᐃᓚᐅᑎᒍᒪᓗᑎᒃ.
ᑭᓇ ᐃᓚᒋᔭᐅᕙ ᑲᑐᔾᔨᖃᑎᒌᑦᑐᓄᑦ? ᑲᑐᔾᔨᖃᑎᒌᑦᑐᑦ ᐱᖃᓯᐅᔾᔨᔪᑦ: ᐃᓄᓕᒫᑦᓯᐊᑦ ᐃᒪᐃᓯᒪᔪᑦ:
ᓱᓇᓂᒃ ᐸᓯᑦᓯᓯᒪᔪᑦ ᑐᑦᓯᕋᕐᒪᑕ? ᐸᓯᑦᓯᓯᒪᔪᑦ ᑮᓇᐅᔭᓂᒃ ᑐᑦᓯᕋᖅᑐᑦ ᐊᓯᖏᓐᓂᓘᓐᓃᑦ ᐱᕚᓪᓕᕈᑎᑦᓴᓂᒃ ᐃᓕᓐᓂᐊᖅᑎᓄᑦ. ᑐᑦᓯᕋᕐᒥᔪᑦ ᓴᐳᓐᓂᐊᖅᑏᑦ ᐊᑭᖏᓐᓂᒃ ᐊᑭᓕᖅᑐᕆᐊᓕᖏᓐᓂᓪᓗ.
ᑮᓇᐅᔭᖅᑕᖃᖅᑲ ᒫᓐᓇᐅᔪᖅ? ᑮᓇᐅᔭᖅᑕᖃᙱᑦᑐᖅ ᐱᕚᓪᓕᕈᑎᑦᓴᓂᓪᓘᓐᓃᑦ ᒫᓐᓇᐅᑎᓪᓗᒍ ᐃᖅᑲᖅᑐᐃᕕᒻᒥ ᓱᓕ ᖃᓄᐃᓕᒍᑕᐅᓯᒪᙱᑉᐸᑦ ᐊᕕᑦᑐᖅᓯᒪᓂᐅᔫᒃ ᑕᒻᒪᖅᓯᒪᓐᓂᕐᒪᖔᑎᒃ, ᑖᒃᑯᐊᓗ ᒪᕐᕉᒃ ᓵᙵᓪᓘᓐᑎᔫᒃ ᓱᓕ ᖃᓄᖅᑑᕈᑎᖃᖅᓯᒪᙱᒻᒪᑕ ᐃᖅᑲᖅᑐᐃᓂᕐᒥᒃ. ᐅᖃᖅᑐᖃᕈᓐᓇᙱᑦᑐᖅ ᑮᓇᐅᔭᐃᑦ ᐱᕚᓪᓕᕈᑎᑦᓴᐃᓪᓘᓐᓃᑦ ᐱᔭᐅᒐᔭᕐᒪᖔᑕ. ᐱᔭᐅᒐᔭᖅᐸᑕ, ᖃᐅᔨᒃᑲᖅᑕᐅᒐᔭᖅᑐᑎᑦ ᖃᓄᖅ ᑐᑦᓯᕌᕆᒋᐊᖃᕐᒫᖔᖅᐱᐅᒃ ᐃᓕᓐᓅᖅᑕᐅᒋᐊᓕᒃ.
ᖃᓄᖅᑑᕆᐊᖃᖅᑐᑎᑦ ᐃᓚᒋᔭᐅᓂᐊᕐᒪᖔᖅᐱᑦ ᑲᑐᔾᔨᔪᔪᓄᑦ ᐃᓚᒋᔭᐅᒍᒪᙱᒃᑯᕕᓪᓘᓐᓃᑦ, ᑕᒪᓐᓇᓗ ᐋᖅᑭᒋᐊᖃᖅᓱᓂ ᐅᕙᓂ November 2, 2020. ᑲᒪᒋᔭᕆᐊᓕᑎᑦ ᑐᙵᕕᖃᖅᑐᑦ ᒫᓐᓇ ᓄᓇᖃᕈᕕᑦ ᓄᓇᖃᙱᒃᑲᓗᐊᕈᕕᓪᓗ ᓄᓇᕗᑦᒥ.
ᒫᓐᓇ ᓄᓇᕗᑦᒥᐅᑕᐅᒍᕕᑦ:
ᑲᑐᔾᔨᔪᓄᑦ ᐃᓚᒋᔭᐅᓂᐊᕐᓗᑎᑦ, ᓱᒋᐊᑐᙱᑦᑐᑎᑦ.
ᖃᓄᐃᒋᐊᙱᑐᐊᕈᕕᑦ, ᐃᓚᒋᔭᐅᓯᓐᓇᕐᓂᐊᖅᑐᑎᑦ ᐃᖅᑲᖅᑐᖅᑕᐅᒃᑲᐃᔪᓄᑦ. ᐊᑦᓱᖏᖅᓯᒪᓂᐊᖅᑐᑎᑦ ᐃᖅᑲᖅᑐᐃᕕᒃᑯᑦ ᑎᓕᓯᔾᔪᑕᐅᔪᓄᑦ ᐃᖅᑲᖅᑐᐃᓂᐅᔪᒧᑦ. ᐱᐅᑉᐸᑕ ᐱᐅᙱᑉᐸᑕᓘᓐᓃᑦ, ᑭᒡᒐᖅᑐᐃᔪᓪᓗ ᐸᓯᑦᓯᔨᓂᒃ ᐱᔪᓐᓇᕐᓂᖃᕐᓂᐊᖅᑐᑦ ᖃᓄᖅᑑᕈᑎᖃᕐᓂᕐᒥᒃ ᑐᑦᓯᕌᕆᔭᓐᓂᒃ. ᑮᓇᐅᔭᐃᑦ ᐱᕙᓪᓕᕈᑎᑦᓴᐃᓪᓗ ᐱᔭᐅᑉᐸᑕ, ᖃᐅᔨᒃᑲᖅᑕᐅᒐᔭᖅᑯᑦ ᖃᓄᖅ ᑐᑦᓯᕌᕆᒋᐊᖃᕐᒪᖔᖅᐱᒋᑦ ᐃᓕᓐᓅᑐᑦᓴᒫᑦ. ᓄᓇᓖᑦ ᐃᓚᒋᔭᐅᒍᒪᙱᑦᑐᑦ ᑲᑐᔾᔨᔪᓄᑦ ᓂᕈᐊᕆᐊᓖᑦ ᐃᓚᐅᒍᒪᙱᓐᓂᕐᒥᒃ ᑎᑎᖅᑲᑎᒍᑦ ᐊᐅᓪᓚᖅᑎᓪᓗᒋᑦ ᐅᕙᓂ ᓯᕗᕐᖓᓂᓘᓐᓃᑦ November 2, 2020, ᑲᑐᔾᔨᔪᔪᓄᑦ ᐊᐅᓚᑦᓯᔨᒧᑦ. ᑕᐃᒪᐃᙱᑐᐊᕈᕕᑦ, ᐊᑦᓱᖏᖅᓯᒪᓂᐊᖅᑐᑎᑦ ᐃᖅᑲᖅᑐᐃᕕᒻᒥ ᐋᖅᑭᑦᑕᐅᔪᒧᑦ ᐃᑲᔪᖅᑐᖅᐸᑕ ᐃᑲᔪᖅᑐᖏᑉᐸᑕᓘᓐᓃᑦ.
ᓂᕈᐊᕈᒪ ᐃᓚᐅᑎᕈᒪᙱᓪᓗᖓ ᐊᑎᕋ ᑕᖅᑲᐅᖓ ᑐᓴᖅᑕᐅᓂᐊᖅᑲ? ᐋᒡᒐ.
ᑲᑐᔾᔨᖃᑕᐅᓂᐊᕈᕕᑦ, ᐊᐅᓚᔾᔭᒋᐊᕆᐊᖃᖅᑐᑎᑦ.
ᓄᓇᕗᑦᒥᐅᙳᙱᑦᑐᑦ ᐃᓚᒋᔭᐅᒍᒪᔪᑦ ᑲᑐᔾᔨᔪᕗᑦ ᓂᕈᐊᕆᐊᓖᑦ ᐃᓚᒋᔭᐅᒍᒪᓂᕐᒧᑦ ᑲᑐᔾᔨᔪᓄᑦ ᐊᐅᓪᓚᑎᑦᓯᓗᑎᒃ ᑎᑎᕋᖅᓯᒪᔪᓂᒃ ᐅᕙᓂ ᓯᕗᕐᖓᓂᓘᓐᓃᑦ November 2, 2020, ᐅᕗᖓ Cloughley Sex Abuse Class Action, 117 Queen St, P.O. Box 1000, Niagara-on-the-Lake, Ontario, L0S 1J0. ᐱᖃᓯᐅᑎᒋᐊᓖᑦ ᐊᑏᑦ, ᑐᕌᕈᑏᑦ, ᐅᖄᓚᐅᑏᑦ, ᐊᒻᒪᓗ ᐊᑎᓕᐅᕈᓰᑦ. ᐱᒍᓐᓇᕐᒥᔪᑦ ᓂᕈᐊᕈᑎᓂᒃ ᐃᓚᐅᒍᒪᙱᓐᓂᕐᒧᑦ ᐅᕙᙵᑦ www.cloughleysexualabuseclassaction.ca . ᑎᑎᖅᑲᑎᒍᑦ ᐊᐅᓪᓚᖅᑎᒋᐊᓕᑎᑦ ᓂᕈᐊᕈᑎᑎᑦ ᐃᓚᐅᒍᒪᙱᓐᓂᕐᒧᑦ ᑎᑎᖅᑲᓂᐊᕐᕕᒻᒥ ᓇᕿᑕᐅᓯᒪᓗᑎᒃ ᐅᕙᓂ November 2, 2020.
ᐃᓚᒋᔭᐅᓪᓗᐊᕈᕕᑦ ᑲᑐᔾᔨᔪᓄᑦ, ᐊᑦᓱᖏᖅᓯᒪᓂᐊᖅᑐᑎᑦ ᐃᖅᑲᖅᑐᐃᕕᒻᒥ ᑎᓕᓯᔾᔪᑕᐅᔪᓄᑦ ᑕᕝᕗᖓ ᐃᖅᑲᖅᑐᐃᓂᕐᒧᑦ, ᐱᐅᑉᐸᑕ, ᐱᐅᙱᑉᐸᑕᓘᓐᓃᑦ, ᐊᒻᒪᓗ ᑭᒡᒐᖅᑐᐃᔪᑦ ᐸᓯᑦᓯᔪᓂᒃ ᐱᔪᓐᓇᕐᓂᖃᖅᑎᑕᐅᓂᐊᖅᑐᑦ ᖃᓄᖅᑑᕈᑎᖃᕐᓂᕐᒥᒃ ᑐᑦᓯᕌᕆᔭᓐᓂᒃ. ᑮᓇᐅᔭᓂᒃ ᐱᕚᓪᓕᕈᑎᑦᓴᓂᓪᓗ ᐱᔭᐅᔪᖃᖅᐸᑦ, ᖃᐅᔨᒃᑲᖅᑕᐅᓂᐊᖅᑐᑎᑦ ᖃᓄᖅ ᑐᑦᓯᕌᕆᒍᓐᓇᕐᒪᖔᖅᐱᒋᑦ ᐃᓕᓐᓅᖓᒋᐊᓖᑦ.
ᓄᓇᕗᑦᒥ ᓄᓇᖃᙱᑦᑐᑦ ᐃᓚᒋᔭᐅᒍᒪᙱᑦᑐᑦ ᑕᒪᑦᓱᒧᖓ ᑲᑐᔾᔨᔪᓄᑦ ᓱᒋᐊᑐᙱᑦᑐᑦ.
ᓂᕈᐊᕈᒪ ᐃᓚᐅᒍᒪᙱᓪᓗᖓ ᐊᑎᕋ ᑕᖅᑲᐅᖓ ᑐᓴᖅᑕᐅᓂᐊᖅᑲ? ᐋᒡᒐ.
ᓴᐳᓐᓂᐊᖅᑏᑦ ᐃᓕᓐᓂᒃ ᑭᒡᒐᖅᑐᖅᑐᑦ
ᓴᐳᓐᓂᐊᖅᑎᖃᖅᑯᖓ ᑕᕝᕙᓂ ᐃᖅᑲᖅᑐᖅᑕᐅᓂᕐᒥ? ᐄ. ᐃᖅᑲᖅᑐᐃᕕᒻᒥᒃ ᑎᓕᔭᐅᓯᒪᔪᑦ ᒪᓕᒐᓕᕆᓂᕐᒧᑦ ᑎᒥᖁᑎᖏᑦ ᑰᐸᕐ ᕆᔾᔪᓪ ᐊᒻᒪᓗ ᒧᐊᕆᔅ ᒫᕐᑎᓐ ᒧᐊᕐ ᑭᒡᒐᖅᑐᐃᓂᐊᖅᑎᓪᓗᒋᒃ ᐃᓕᓐᓂᒃ ᑲᑐᔨᖃᑕᐅᔪᓂᓪᓗ “ᑲᑐᔾᔨᔪᓄᑦ ᓴᐳᓐᓂᐊᖅᑏᒃ.” ᐊᓯᐊᓂᒃ ᓴᐳᓐᓂᐊᖅᑎᖃᕈᒪᒍᕕᑦ, ᓇᒻᒥᓂᖅ ᓴᐳᓐᓂᐊᖅᑎᑖᕈᓐᓇᖅᑐᑎᑦ ᓇᒻᒥᓂᖅ ᐊᑭᓕᕆᐊᓕᓐᓃᕕᑦ.
ᖃᓄᖅ ᓴᐳᓐᓂᐊᖅᑏᑦ ᐊᑭᓕᖅᑕᐅᓛᕐᒪᑕ? ᑲᑐᔾᔨᔪᓄᑦ ᒪᓕᒐᓕᕆᔩᑦ ᐊᑭᓕᖅᑕᐅᒐᔭᖅᑐᑦ ᑭᑎᓯᐊᓂ ᓵᓚᖃᖅᐸᑕ ᐃᖅᑲᖅᑐᐃᓂᕐᒥᒃ ᐅᕝᕙᓗ ᐊᑭᓕᐅᑎᑦᓴᖅᑕᖃᖅᐸᑦ. ᐃᖅᑲᖅᑐᐃᕕᒻᒥ ᑕᑯᑎᑦᓯᒍᓐᓇᕆᐊᖃᕐᒥᔪᖅ ᑐᑦᓯᕌᕐᒥᓂᒃ ᐊᑭᓕᖅᑕᐅᒍᒪᓗᑎᒃ. ᐊᑭᓕᕆᐊᓖᑦ ᐲᖅᑕᐅᒍᓐᓇᖅᑐᑦ ᑮᓇᐅᔭᓂᒃ ᐱᔭᐅᔪᓂᒃ ᑲᑐᔾᔨᔪᓄᑦ, ᐅᕝᕙᓘᓐᓃᑦ ᐊᑭᓕᖅᑕᐅᓗᑎᒃ ᐃᒻᒥᒃᑯᑦ ᓴᐳᔾᔭᐅᔪᒧᑦ.
ᖃᖓ ᖃᓄᕐᓗ ᐃᖅᑲᖅᑐᐃᕕᒻᒥ ᐋᖅᑮᓛᕐᒪᑕ ᓇᓗᓇᐃᖅᓯᓗᑎᒃ ᑭᓇ ᓱᓕᒻᒪᖔᖅ? ᐃᖅᑲᖅᑐᐃᓂᖅ ᐃᒋᑕᐅᙱᑉᐸᑦ ᖃᓄᖅᑑᕈᑕᐅᙱᑉᐸᓪᓘᓐᓃᑦ, ᐸᓯᑦᓯᔩᑦ ᑕᑯᑦᓴᐅᑎᑦᓯᒋᐊᖃᕐᓂᐊᖅᑐᑦ ᐃᖅᑲᖅᑐᖅᑕᐅᒃᑲᐃᔾᔪᑎᒥᓂᒃ ᐊᑑᑎᓗᓂ ᓄᓇᕗᑦᒥ. ᐃᖅᑲᖅᑐᐃᓂᐅᑉ ᐃᓗᐊᓂ, ᐃᖅᑲᖅᑐᐃᔩᑦ ᓈᓚᓐᓂᐊᖅᑐᑦ ᑐᓴᕋᑦᓴᓕᒫᓂᒃ, ᖃᓄᖅᑑᕈᑕᐅᒍᓐᓇᖁᓪᓗᒍ ᐸᓯᑦᓯᓯᒪᔪᑦ ᐊᕕᑦᑐᖅᓯᒪᓂᐅᔪᓪᓘᓐᓃᑦ ᓱᓕᒻᒪᖔᑕ ᐃᖅᑲᖅᑐᖅᑕᐅᔾᔪᑎᓅᖓᔪᓂᒃ. ᓇᓗᓇᐃᖅᓯᕕᑦᓴᐅᙱᑦᑐᖅ ᐸᓯᑦᓯᓯᒪᔪᑦ ᓵᓚᖃᕋᔭᕆᐊᖏᑦ ᑮᓇᐅᔭᓂᒃ ᐱᕚᓪᓕᕈᑎᑦᓴᓂᓪᓘᓐᓃᑦ ᑲᑐᔾᔨᔪᓄᑦ.
ᑮᓇᐅᔭᖅᑖᕋᔭᖅᑯᖓ ᐃᖅᑲᖅᑐᐃᓂᐅᑉ ᑭᖑᕐᖓᒍᑦ? ᐸᓯᑦᓯᓯᒪᔪᑦ ᑮᓇᐅᔭᓂᒃ ᐱᑉᐸᑕ ᐱᕚᓪᓕᕈᑎᑦᓴᓂᓪᓘᓐᓃᑦ ᐃᖅᑲᖅᑐᐃᕕᒻᒥᒃ ᐋᖅᑭᑦᑕᐅᔪᒥᒃ ᐱᔪᓂᒃ, ᖃᐅᔨᒃᑲᖅᑕᐅᒐᔭᖅᑐᑎᑦ ᖃᓄᖅ ᑐᑦᓯᕌᕆᒋᐊᖃᕐᒪᖔᖅᐱᒋᑦ ᐃᓕᓐᓅᖓᔪᑦᓴᐃᑦ ᓴᓇᓂᓪᓗ ᓇᓖᕌᕋᑦᓴᖃᕐᒪᖔᖅᐱᑦ ᑕᐃᑲᓂ. ᑕᒪᒃᑯᐊ ᒫᓐᓇ ᖃᐅᔨᒪᔭᐅᙱᑦᑐᑦ. ᐱᒻᒪᕆᐊᓗᐃᑦ ᑐᓴᕋᑦᓴᐃᑦ ᐋᖅᑭᑦᑕᐅᓛᖅᑐᑦ ᐃᑭᐊᖅᑭᕕᒻᒧᑦ.
ᖃᓄᖅ ᑐᑭᓯᒋᐊᒃᑲᓐᓂᕈᓐᓇᖅᑯᖓ? ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᐅᕗᖓ , ᖃᕆᑕᐅᔭᒃᑯᑦ www.cloughleysexualabuseclassaction.ca, ᐅᖄᓚᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-866-329-7153 ᑎᑎᕋᕐᓗᑎᓪᓘᓐᓃᑦ ᐅᕗᖓ Cloughley Sex Abuse Class Action, 117 Queen St, P.O. Box 1000, Niagara-on-the-Lake, Ontario, L0S 1J0.